Американската верзија на книгите за младиот волшебник ќе добие нови корици.

По повод 15 години од објавување на првата книга, „Хари Потер и Каменот на мудроста“ во Соединетите Американски Држави, издавачката куќа Scholastic ќе го објави серијалот со нови корици.

Истото го сторија и пред пет години, за прославување на десет годишнината, меѓутоа со нова корица излезе само првиот дел од серијалот, додека останатите делови ги задржаа старите корици.

„Хари Потер и Каменот на мудроста“ за прв пат е објавена на 26 јуни 1997 година во Велика Британија, а своја верзија преку океанот добива на 1 септември 1998 година, со променет наслов - „Хари Потер и Каменот на волшебникот“.