Популарната серија „Игра на тронови“, чија трета сезона штотуку почна да се прикажува на 31 март, ќе биде со нас на малите екрани и следната година, со четврта сезона.

Овие вести стигнуваат откако повеќе од 700.000 гледачи влегле на Sky Atlantic за да ја гледаат премиерата на третата сезона. HBO на Twitter објавија: „Игра на тронови се враќа со четврта сезона. Репостирајте и споделете ја оваа вест со вашите пријатели ширум кралството“.

Третата сезона е базирана на првата половина од третата книга во серијалот „Песна за мраз и оган“ од писателот Џорџ Р. Р. Мартин, насловена како „Бура на мечеви“, а четвртата сезона ќе биде базирана на втората половина од третата книга.

Серијалот на Мартин засега се состои од пет книги, а треба да излезат уште две продолженија, иако писателот не ја исклучува можноста и за осма книга.