Продуцентот Џон Ландау вели дека во продолжението на филмот ќе нурнеме во океаните на Пандора.

Продолжението на филмот Avatar ќе се појави во кино-салите во 2015 година, а продуцентите изминатиов викенд открија дека дел од дејствието ќе се одвива под вода.

„Моментално бараме најдобра технологија за снимање на актери под вода. Ќе нурнеме во океаните на планетата Пандора“, рече Ландау.

Џејмс Камерон претходно кажа дека сценаријата за уште две продолженија на Avatar ги напишал одеднаш, но дека филмовите ќе се појават во кино-салите дури за неколку години.

Првиот дел од приказната за Пандора освои три Оскари, за сценографија, камера и визуелни ефекти, а беше номиниран за уште шест.