Првиот дел од новата трилогија пристигнува во 2015 година, потврди студиото Disney.

Откако Disney го купи LucasFilm, фановите на серијалот се загрижени за иднината на франшизата. Претседателот на Disney, Алан Хорн изјави дека првиот дел од следната трилогија пристигнува во 2015 година.

Сценариото го потпишува Оскаровецот Мајкл Арнт, режијата Џеј Џеј Ејбрамс, а се уште не е познато како ќе се викаат наредните „епизоди“.

Вториот дел пристигнува во 2017, а третиот во 2019 година, рече Хорн.

Disney порано најави дека многу ликови од универзумот на „Војна на ѕвездите“ во наредните години ќе добијат свои филмови, кои ќе ги следат нивните посебни приказни.