Актерот Роберт Дауни Џуниор откри дека заработил импресивни 50 милиони долари од учеството во проектот "Одмаздници"...

Откако излезе на екран во мај минатата година, филмот на Џос Ведон стана третата најпрофитабилните продукција за сите времиња. Приходите на нејзините благајни достигнаа 1,51 милијарди долари, на тој начин филмот остана засенет единствено од "Титаник" и "Аватар" на Џејмс Камерон.

По успехот на "Железниот човек" во 2008 Дауни успеа да склучи атрактивен договор според кој тој добива процент од продажбата на сите идни филмови со учество на Тони Старк. А тоа, тврдат извори на "Холивуд репортер", му донело 50 милиони долари само од "Одмаздници".

На прашањето поставено од страна на "Џи Кју", дали посочената сума е "приближно точна", ѕвездата возвратила:

"Да. Не е лудост? Многумина жалат. А јас не можам да верувам".