Актерот ќе игра во филмската адаптација на анимето „Јукиказе“, пишува холивудскиот печат.

Том Круз ќе глуми во адаптацијата на аниме серијалот „Јукиказе“, за борбен пилот кој се спротиставува на вонземјанска раса која инвазијата на Земјата ја извршила преку дупка над Антартикот.

„Јукиказе“ е името на борбениот авион со кој управува главниот јунак, а кој е „опремен“ и со вештачка интелигенција.

Ова на Круз ќе му биде друг јапонски SF за многу кратко време. Неодамна заврши со снимањето на филмот All You Need Is Kill, во кој игра војник кој во последниот ден од борбат заглавува во временска дупка.