Познат британски режисер работи на документарец за покојната поп пејачка Ејми Вајнхаус и има намера да се вклучат во него архивски документи и други материјали, кои досега не се објавени, соопшти продуцентската компанија...

Режисер е Англичанецот од индиско потекло Асиф Карадиа кој пред 2010 година го направи филмот "Сена" за починатиот пилот во Формула 1 Аиртон Сена, со кој ја освои наградата БАФТА за најдобар документарен филм.

"На Ејми Вајнхаус до одреден степен и се припишува преродбата и популарноста на соул музиката. Ејми беше уникатен талент и дел од една генерација, која го освои вниманието на целиот свет. Таа компонираше и пееше од срце и светот беше зачудени од неа", изјавија Карадиа и продуцентот на филмот Џејмс Геј-Рис.

"За жал, Ејми беше трагично погодена од постојаното внимание на медиумите и проблематичните односи, светскиот успех што резултираше со скандалозен начин на живот", се вели во соопштението на продукциската компанија.