Добри вести за сите љубители на култниот "Сексот и градот". Неповторливата Кери Бредшоу и нејзината група девојки наскоро би можеле да се вратат на големите платна...
Барем така навести главната глумица Сара Џесика Паркер, која изјавила дека има чувство оти сеуште не завршила со Кери.
"Секогаш велев дека постои уште една приказна која треба да се раскаже. Ако постои вистинско време и место, би требало. Тоа би било прекрасно", изјавила Сара Џесика Паркер за NY Daily News.
Но, проблем би можело да претставуваат останатите глумици. Имено, Синтија Никсон, односно Миранда, уште од минатата година изјави дека повеќе не е заинтересирана за улогата која ја прослави. А и самиот Мр.Биг го дели истото мислење со својата колешка: "Не гледам снимање на трето продолжение на филмот", кратко изјавил мажот за кој некогаш воздивнуваа сите жени кои ја следеа серијата.
Се надеваме дека ќе го променат мислењето, затоа што без нив, дефинитивно нема да биде исто.
