Ема Стоун и Ендрју Гарфилд покажаа дека нивната љубов е се уште огнена...
Актерката Ема и актерот Ендрју се снимени како разменуваат страсни бакнежи на пауза за време на снимањето на филмот „Неверојатниот Спајдермен 2“.
Како за претходниот филм, така и за продолжетокот на Спајдермен се предвидува голем успех. Двајцата актери освен во филмот, се љубат и во приватниот живот, поради што добија уште повеќе фанови!
Двојката се сретна за време на снимањето на „Неверојатниот Спајдермен“, уште во 2010 година. Двајцата ја добиле улогата токму заради тоа што режисерот ја забележал неверојатната хемија помеѓу нив. Наскоро тие станале пар и во нивниот приватен живот.
Филмот е продолжение на кино хитот снимен според стрипот Марвел, каде главна улога е Питер Паркер, односно, Спајдермен го глуми Ендрју Гарфилд. Ема Стоун ја игра љубовта на Питер од средно училиште, Гвен Стејси.
Во продолжението на филмот се вклучени и Џејми Фокс, Мартин Шин, Пол Џамати и многу други. Филмот ќе излезе во кината во 2014 година. Режисерот Марк Веб најавува жестока акција и напната атмосфера во работата, додека Спајдермен го спасува светот од лошите!
