„Сите се луди по Мери“ е еден од најдобрите филмови на браќата Фарели, а нивниот бесрамен и суров хумор е добитна комбинација за оваа романтична комедија...



Камерон Дијаз и Бен Стилер се во главните улоги, а многумина се сеќаваат на сцената каде Камерон користи „одредени телесни течности“ како гел за коса. Моментот кога косата и се подигна нагоре, стана главен хит од оваа комедија!



Филмот е објавен 1998 година и до ден денешен останува еден од најсмешните филмови. Ако случајно не го немате гледано досега, или да да ве потсетиме, се работи за Тед (Бен Стилер), кој во средно училиште се заљуби во Мери. Тој требаше да оди со неа на матурска вечер, но се случи една несреќа со неговите гениталии, поради што заврши во болница.



13 години подоцна, Тед сфаќа дека тој се уште е заљубен во Мери, на која никогаш немал можност да и ги покаже своите чувства. Така го ангажира приватниот детектив Пет Хили (Мет Дилон) за да ја пронајде љубовта на неговиот живот и конечно да и ги каже неговите чувства. По некое време, Тед сфаќа дека детективот го измамил и ги зема работите во свои раце. Ова е само почеток на борбата по атрактивната Мери, на која се чини дека мажите едноставно не можат да и одолеат!