Реномираниот магазин Форбс ја објави својата традиционална листа на најплатени холивудски актери...



Роберт Дауни Јуниор има голема причина за славење. Во последните 12 месеци, актерот заработил астрономски $ 75.000.000. Само Iron Man 3 и Одмаздници досега заработиле над 1 милијарда долари.

Веднаш по Дауни, на второ место е Ченинг Татум. Од јуни 2012 до јуни 2013 година заработил 60 милиони $.

На трето место е австралискиот актер Хју Џекмен. Неговата заработка минатата година е проценета на 55 милиони $. Мјузиклот Les Misérables во кој играше беше хит, кој му обезбеди номинарање за Оскар. Најголемата заработка му ја донесе улогата на Wolverine во филмската серија X-Men.

52 милиони $ си стави во џеб Марк Волберг. Неговиот филм Тед беше најголемото изненадување за кината во 2012 година. За снимање на Тед се потрошени 50 милиони $, а на кино благајните на крајот заработил 550 милиони $.

На петто место е Двејн Џонсон со заработка од 46 милиони $. 7 милиони помалку заработил Леонардо ди Каприо, најголемиот дел му се од улогата во филмот Големиот Гетсби. Меѓу првите 10 влегоа и Адам Сендлер, Том Круз, Дензел Вашингтон. Листата ја заокружи актерот Лијам Нисон.