Сите дами кои сакаат да се најдат во прегратката на холивудскиот заводник Хју Џекмен, треба да знаат дека ќе мора да се соочат со долгите и остри ножеви на овој суперхерој...



Во интервју за британскиот таблоид "The Sun", актерот открива дека успеал пријатно да ја изненади својата понежна половина. Во шега рекол дека во посебни пригоди во брачниот кревет се облекува во секси костимот на Волверин.

Сопругата на Џекмен, Дебора Ли Фурнс додава дека освен во спалната соба, Хју ги користи неговите сечила и во кујна за да сече салата или некој друг зеленчук.

Шегата настрана, Џекмен најави дека ќе прави мала пауза од глума, бидејќи вели дека конечно му е потребен одмор.



„Земам мала пауза, овој филм ми е четврти по ред. Бев многу алчен“, изјавил Хју во емисијата "Кајли и Џеки шоу".

Џекмен ја репризирал улогата на мутант со метални канџи Волверин по шести пат во истиот филм. Во најновиот дел на филмот Волверин патува во Јапонија да се бори со самураите.

За потсетување, овој филм на платното на домашните кина ќе се прикажува од 24 јули.