Анџелина Џоли, која моментално работи на филмот "Maleficent", е најдобро платена холивудска актерка минатата година со заработка од 33 милиони $, проценува списанието "Форбс"...



На второ место е оскаровката Џенифер Лоренс со 26 милиони долари, а на трето е минатогодишната кралица Кристен Стјуарт ("Самрак"), со заработка од 22 милиони $.

„Холивуд не се крие од Џоли. Се уште е една од ретките актерки која може да побара над 15 милиони долари за филм што ќе и одговара, како што е случајот со приказната на Дизни за Заспаната убавица, вели списанието.

Анџелина (38) на почетокот од годинава го шокира светот, обелоденувајќи за нејзината двојна мастектомија.

Инаку, нејзиниот нов филм "Maleficent" пристигнува во кината наредното лето, пишува Ројтерс.

На четврто место од листата на најплатени е Џенифер Анистон со 20 милиони $, додека Ема Стоун е на петто место со 16 милиони $.

"Форбс" го подготвува списокот земајќи ги предвид извештаите од агенти, менаџери и други професионалци од забавната индустрија, со цел правично да ги процени приходите на актерите од јуни 2012 до јуни 2013 година.