Софија Вергара е највисокоплатена американска актерка во телевизиска серија за втора година по ред, објави списанието "Форбс"...

Ѕвездата од "Модерно семејство" Софија Вергара заработила 30 милиони долари меѓу јуни 2012 и јуни 2013 година од својата улога во хит серијата и многубројните рекламни договори. Ова е за два пати повеќе од приходите на Маришка Харгитај од серијата "Закон и ред: Посебни истраги", кој остана на второто место со 11 милиони долари заедно со Кејли Куоко од "Теоријата за големата експлозија".

Колумбиската убавица извлекла сериозен профит и од договорите со компаниите како Дајет Пепси и Кмарт благодарение на својата популарност во Латинска Америка. 38-годишната Вергара поседува и сопствена модна линија, која се развива во соработка со ланецот супермаркети Кмарт. За целта таа добила аванс од 7 милиони долари.

Сестрите Кардашјан, Ким, Кортни и Клои го заземаат третото место заедно со Елен Помпеја од "Вовед во анатомија", Мелиса Мекартни од "Нежна полиција", риалити ѕвездата Бетани Френкел и Тина Феј од "Рокфелер Плаза 30" со 10 милиони долари.