Додека Даниел Крег ќе снима уште два филма за Џејмс Бонд, а продуцентите веќе почнаа да бараат соодветна замена за познатиот британски актер, кој го воодушеви светот играјќи ја улогата на популарниот агент 007...



Наводно прв на листата се наоѓа актерот Том Харди, кој се прослави со улогата на негативецот Бејн во "Подемот на темниот витез", каде игра заедно со Кристијан Бејл, кој го играше ликот на Бетмен.

Харди наводно бил опишан како "одличен материјал за Бонд" и дека има голема репутација за овој серијал.

„Тој е одличен актер со добра листа на филмови, но најважно е дека тој е тип на човек, каков што би сакале да бидат сите мажи и со кого би сакале да бидат сите жени“, изјавил таен извор за "Дејли експрес".



Харди порано изјавил дека е заинтересиран за улогата на тајниот агент.

Како што се соопштува од страна на британските медиуми, ако Харди биде избран за новиот Џејмс Бонд, тој ќе биде најнискиот агент 007 во историјата на оваа франшиза.