Веројатно голем број жени  во многу животни прилики, неприлики и ситуации ја има изговорено забранетата реченица - "Ах, да бев машко!". Се прашувате зошто забранета? Па свртете се околу себе, зарем од се ќе се откажете поради 3 памучни маици (сина, сива и црна боја), 2 пара панталони, пиво, фудбал и поврзани веѓи? Во продолжение ви прикажуваме само некои од фактите со кои ќе ве потсетиме и ќе ви докажеме зошто е многу подобро да се биде жена:...

- Ние сме понежниот пол.

- Мажите секогаш ни се извинуваат со цвеќе и чоколадо.

- Живееме подолго од мажите.

- Ние ја знаеме вистината дали големината е навистина важна.

- Имаме атрибути за избегнување на казната за пребрзо возење или лошо паркирање. Малку флерт или привремени солзи прават чуда.

- Последиците од бурната и луда ноќ можеме да ги прикриеме со пудра и повторно да изгледаме супер.

- Поиздржливи сме на болка, иако мажите сакат да мислат спротивно.

- Секогаш имаме изговор за малтретирање на мажите - ПМС.

- Нашето излегување е секогаш поефтино од она на мажите. Не само што најверојатно помалку ќе испиеме туку секогаш ќе се најде  некој кој ќе ни ја плати пијачката.

- Ако не сме депилирани тоа никој нема да го знае а ниту пак ќе го види.

- Секоја сезона не е само промена на годишното време, тоа значи и сосема нова гардероба за нас.

- Можеме да гледаме фудбалски  натпревар без да се нервираме.

- Ние ќе прашаме за насоката, па така возејќи ретко ќе се изгубиме, а ако се случи тоа - не се срамиме да признаеме.

- Можеме да преспиеме кај својата другарка и на излегување слободно да играме со неа, без таа да помисли дека и се пуштаме.

- Можеме да правиме повеќе работи одеднаш.

- Можеме да правиме се што и мажите и тоа на високи потпетици.

- Ние можеме и знаеме да признаеме кога не сме во право и да се извиниме кога сме погрешиле.

- Понекогаш и чоколадото знае да ни ги реши проблемите.

- Ако се одлучиме за некоја машка професија, сите ќе не сметаат за храбра.