Отстранувачот на лак за нокти може да се искористи за различни намени. Иако е потребна 100% ацетонска формула, влијателен ефект може да се добие и со нешто поблага верзија...

Отстранувач за јако лепило
Ако барем еднаш во рака сте фатиле супер лепило знаете колку лесно може да капне на места каде што не треба. Но, затоа може да користите ацетон - доволно е да го нанесте на вата и со него да избришете на извалканото место.

Отстранувач на налепници
Откако ќе отстраните некоја наплепница, остатокот од лепилото избришете го со ацетон. Можеби нема да можете да изчистите се од прва, но не се откажувајте.

Средство за чистење на тастатурата
Без оглед на тоа колку ви биле чисти рацете, на тастатурата секогаш ќе има нечистотија, прашина и бактерии. Ватата натопете ја во ацетон и пребришајте ја тастатурата.

Отстранување на дамки од порцелан
Се обидувате да се ослободите од дамките на порцеланот, но се плашите да не ги оштетите вашите омилени садови? Посегнете по отстранувачот на лак за нокти, нежно поминете преку дамките, а потоа измијте ги садовите со детергент и вода.