Американецот Карл Бовард од Флорида обожава мачки, но не од оние обичните што ги има секое домаќинство...



Бовард има 14 „големи мачки“, од кои тигрови, лавови, леопард, пума и рис. Најголема од дивите мачки е сибирскиот тигар Самсон, со тежина од 320 килограми и должина речиси 3 метри. Американецот бил повреден од неговите миленици неколку пати, но тоа не го спречува секој ден да си игра со нив.



„Имам одличен однос со животните, но тоа се променува кога имам храна во рацете. Кога одгледувате големи мачки, постои опасност и секогаш мора да внимавате. Најлошото што може да ви се случи е смрт. Знам да се коцкам со смртта“, рекол Бовард, кој купува по 680 килограми месо неделно за своите „мачки“.