Луксузниот катарски хотел W, на своите гости за време на нивниот престој во него ќе им понуди да се однесуваат како тајниот агент Џејмс Бонд, за скромна цена од 8.000 долари (343.998 денари) на ден...

Гостите „тајни агенти“ на аеродромот во Дохи ќе ги пречека автомобил кој потсеќа на еден од омилените автомобили на Бонд, ќе добијат на користење часовник од марката Omega каков што носеше Бонд во Casino Royale, а по пристигнувањето во хотелот ќе добијат кодирана порака со упатства за мисијата која ќе треба да ја извршат.

Персоналот на гостинот ќе му се обраќа со „господине Бонд“, а ќе биде сместен во најлуксузниот хотелски апартман каде ќе го чека шише од најфин шампањ. На гостинот му е на располагање посебно осмислена вечера во луксузен хотелски ресторан, на која може да ја донесе и партнерката.