Коментарите за тежината и фигурата на партнерката е најголем гаф на мажите, кој жените го простуваат најтешко, покажува новото истражување во Велика Британија, во кое учествувале над 600 претставнички на понежниот пол...

Жените мразат да слушаат мислење на мажите за нивната фигура, особено кога посилниот пол е премногу искрен. Што значење имаат плус или минус неколку килограми? Се чини дека за жените тоа е болна тема која тешко се простува.

52% од жените се жалат дека кога го прашуваат мажот дали нивните задните делови не се премногу големи, често добиваат одговор "да".

Вториот "нож во грб" кој мажите можат да им го зададат на партнерките е да го заборават датумот на нејзиниот роденден. 1/5 од испитаниците велат дека им се случило партнерот да пропушти нивниот поденден.

На трето место на листата со неопростиви машки грешки е рамнодушноста кон новата фризура или уште полошо воопшто да не ја забележат. Според 50% од учесничките овој недостаток на внимание е неприфатлив и може да биде причина за разделба.

На четврто место жените ги ставаат забелешките за нивните готвечки вештини. 11% од жените тоа го сметаат за уништувачки удар на нивното егото.

"Нашата анкета им ги покажува на мажите грешките што обично прават. Повеќето од нив извлекуваат поуки и не ги повторуваат никогаш повеќе", вели Франческа Дејвис од сајтот Fabriah.com кој ја спровела анкетата.

"Животот на една жена е тежок, особено кога треба да се споредуваме со Шерил Кол и Кејт Мидлтон. Не сите сме витки модели со перфектни заби и коса", велат жените од анкетата.

"Некои коментари на мажите се многу болни и тие треба да го знаат тоа. Не може да ја критикуваат нашата тежина, јадењата, да го заборават нашиот роденден и да очекуват да се смееме", се жалат претставничките на понежниот пол.