Од сопственик на менувачница (76) во Охрид утринава се украдени 120.000 евра.

Полицијата денеска соопштила дека четворица напаѓаци со автомобил од марката „фоксваген џета“, со кичевски регистрации, го удриле сопственикот на менувачницата, а потоа му ја одзеле торбата во која, според изјавата на повредениот, имало 120.000 евра.

Тие потоа со возилото се упатиле кон Кичево, додека К.А. (76) е префрлен во болницата „Св. Еразмо“ во Охрид.

Полицијата неколку часа подоцна го пронашла возилото меѓу селата Требеништа и Мешеишта.

Локалните медиуми во Охрид јавиле дека е ограбен сопственик на позната менувачница во Охрид. Полицијата трага по сторителите.