Водени од мотото, "Најбитно е човек да помогне онаму каде е најпотребно", Кабелскиот оператор Телекабел донираше 40 лед телевизори...
Кабелскиот оператор Телекабел кој 8 години по ред е во 200те најуспешни компании во Македонија и e една од ретките општествено одговорни фирми, која што секоја година одвојува дел од своите средства за донации, годинава одбележува 17 години од своето успешно работење.
По тој повод оваа година донира 38 ТВ приемници поставени и приклучени на мрежата Телекабел со петгодишна донација за кабелска телевизија и неограничен интернет пристап во Болницата во Струмица, 2 ТВ приемници приклучени на мрежата на Телекабел во центарот за деца со посебни потреби во Струмица, ја опреми дневна болница при нервното одделение во Штип, а ќе подари компјутер и лаптоп на центарот за деца со посебни потреби во Штип.
Од службата за односи со јавноста на кабелскиот оператор Телекабел информираат дека вредноста на вкупната донација изнесува нешто повеќе од 1.150.000 денари.
Телекабел до сега има донирано 3 амбулантни возила, Телевизори, кабелска телевизија и интернет во Болниците во неколку градови во државата, како и неколку донации за деца без родители и деца со посебни потреби.
