Според светската статистика, Софија е најчестото женско име на светот...



Лаура Вартерберг од страницата Babynamewizard.com собрала информации за најчестото женско име. Во дури 9 земји Софија било на прво место, а во други 2- земји било на второ и трето место. Името не е поврзано со религијата и застапено е кај христијаните и муслиманите.

Во Македонија според Заводот за статистика, најчести имиња се Александар и Марија, односно кај секои 100 мажи Македонци, има по двајца што се викаат Александар. Вкупно 23.510 Македонци се викаат Александар, а кај женските најчесто е името Марија. Од вкупно 1.027.868 жени, дури 21.364 се викаат Марија. Тоа значи дека во секои 50 жени во земјава, една се вика Марија.

На списокот од најпопуларни машки имиња, во топ десет спаѓаат: Зоран, Никола, Горан, Драган, Дејан, Петар, Игор, Илија и Стефан.

Во топ 10 женски имиња после Марија, се: Елена, Билјана, Весна, Снежана, Виолета, Александра, Сузана, Катерина и Ивана.