Младен Маркоски е главен финансиски директор на мобилниот оператор А1 во Бугарија, кој ја доби престижната награда на EY Bulgaria – CFO of the Year 2018. Квалитетите и достигнувањата на Македонецот Младен Маркоски се високо оценети во рангирањето од страна на консултантската компанија Ernst & Young во Бугарија.

„Му благодарам на менаџментот и тимот на A1 за поддршката и за одличните достигнувања, кои ги направивме заедно. Оваа награда ме мотивира за уште поголеми напори и подобри резултати во нашата работа годинава“, изјави Младен Маркоски.

Како признание за постигнатите резултати и успеси, Младен Маркоски ја доби наградата во категоријата за „Севкупен придонес“ од престижниот конкурс EY Bulgaria – CFO of the Year 2018. Ова е најголема награда во рангирањето, затоа што го одликува кандидатот со највисок број поени во сите посебни категории – „Стратегија за развој на финансиската функција”, „Планирање и прогнозирање”, „Контрола и одговорност” и „Ликвидност и ризик”.