„Молитвеник од претходниот живот“ беше второ-рангирана збирка на Сузана Мицева, за наградата Јован Котески, која Струшките книжевни средби ја доделува за поетска збирка. Збирката е во издание на културниот центар „Бран“, од Струга.

Поетесата Мицева „на достоинствен начин се вклопува во македонското женско писмо. Нејзината поезија не само што извира од животот, туку на свој посебен аргументиран начин оживува слики од минатиот живот“, објаснува издавачот. Промоцијата на „Молитвеник од претходниот живот“ ќе биде на Струшки книжевни средби, од 5 до 7 јули, во Струга.