Нов хит во фризерската уметност е трајното „пеглање“ на косата...
Фризерскиот новитет по кој полудеа сите, од американските домакинки до Пенелопе Круз, е бразилското „пеглање“ на косата. Јужноамериканското поднебје очигледно е многу инспиративно за најразлични видови фризирања.
Голем број жени со благо брановидна или виткана коса, во своите фиоки чуваат пегли за коса кои ги користат често како што користат шампон и регенератор.
Извлекувањето на прамени со четка, односно, фенирањето е исто така позната рутина на заљубеничките во мазната и права коса.
Бидејќи секојдневната посета на фризер е невозможна мисија за повеќето жени кои се ограничени со времето и домашниот буџет, мајсторите за коса смислиле нов начин на исправување на косата со бразилска метода.
Во текот на бразилското исправување на косата се користи кератин, кој претставува протеин кој се состои во човечката коса и кој ја омекнува, измазнува и најважно, ја исправува коста.
Откако ќе се нанесе на корените на влакната со помош на пегла под висока температура се заклучува во влакното, хидратизирајќи ја и осигурувајќи и на косата висок сјај. Може да се примени на сите видови коса, независно од густината и степенот на обоеност, а најдобар резултат се постигнува доколку се примени на најоштетените влакна.
Третманот трае помеѓу 1 и 4 часа, зависно од должината и густината на косата, а резултатите се видливи меѓу 3 и 9 месеци.
„Ваквиот вид на исправување на косата е идеален за оние кои после миењето сакаат да имаат исфенирана фризура, но неможат да го постигнат тоа како професионалците во фризерските салони“ - објаснува Сара Броу, уредничка на делот за убавина во магазинот Вог.
Но, оваа постапка не е без последици, затоа што освен што се користи пегла за коса на висока температура, формулата која се нанесува на коренот на влакната содржи и формалдехид - хемикалија која неретко е опишувана како канцерогена и која во случај на неправилно нанесување може да предизвика иритација на очите и надразнување на белите дробови.
