Со користењето на аудио снимки од неуспешната вселенска мисија на леталото „Challenger“ во новата песна „XO“, Бијонсе ја налутила НАСА...



Реакциите не престануваат, а пејачката вели дека нема причина да се лутат, песната му е посветена на екипажот и нивната мисија со добра намера.

„Бевме разочарани кога дознавме дека снимката кога изгубивме херој од екипажот на „Challenger“ е ставена во песната „XO". Моментот во песната е емоционално тежок за секој што има семејство, колеги и пријатели кои учествувале во оваа мисија“, изјавила Џун Скоби Роџерс, вдовица на пилотот од „Challenger“, Дик Скоби.

Еден од астронаутите што се пензионирал после оваа мисија, Клејт Андерсон, рекол дека песната на Бијонсе е бесчувствителна.

„Сочувствувам со семејствата кои ги изгубија своите блиски во несреќата на „Challenger“. Песната „XO" е снимена со најискрена намера да им помогне на оние што изгубиле некој и да нè потсети дека секогаш може да се случат непредвидени работи. Пораката е дека треба да ја сакаме и да ја цениме секоја минута што ќе ја поминеме со оние што ни се најважни“, одговорила пејачката на обвинувањата.

Несреќата на спејс-шатлот „Challenger“ се случила во 1987 година, кога загинале седум членови од оваа мисија.