Стив Анџело им е познат на луѓето како еден од тројцата од „Swedish House Mafia“, кој за 10-годишнината од својата музичка етикета „Size“, одлучил да им ја подари својата музика на фановите...



Кампањата #DECADE започна вчера и ќе трае и наредните недели, а музиката постепено ќе може бесплатно да се симнува од Google Play до крајот на месецот кога ќе започне Miami Music Week.

„Не сметам дека музиката секогаш треба да биде бесплатна, но мислам дека некои работи можат да се направат како што ние ги направивме и мислам дека и другите музички етикети треба да се обидат со истото“, истакнал Анџело.

инаку, Стив го покренал „Size“ во 2003 година, за да можат полесно да ја издаваат музиката што ја работеле, што во тоа време било многу потежок процесот на дистрибуција, отколку што е случајот денес со дигитална музика.

Кампањата е осмислена од неговата креативна агенција Rebels Studios заедно со Google, па по повод кампањата #DECADE ја покренале и новата страница на која можете да се слушате целата музика објавена на „Size“, и да погледнете неколку видеа.

Оваа музика можат да ја преземат бесплатно само граѓаните на САД. Стив Анџело е роден во Атина, пораснал во Стокхолм во Шведска и ја започнал својата музичка кариера на 12 години. Неговата долгогодишна работа го довела до мегапопуларен DJ и еден од најпознатите имиња во електронската музика.