Пејачката Емина Јаховиќ, која е член на жири-комисијата на шоуто „X-Factor“, е убедена во победата на својот кандидат Лукијан Ивановиќ...



Иако се шпекулира низ медиумите дека ќе победи Македонецот Даниел Кајмакоски, таа тврди дека Лукијан го има факторот Икс, кој му е потребен за победа.

„Се надевам дека Арената ќе биде полна и дека сите ќе уживаме во доброто шоу со нашите феноменални суперфиналисти! Мојот фаворит за победа е Лукијан, бидејќи верувам во моите момчиња уште од самиот почеток. Тој е комплетен `X faktor` кој го бараме, а се надевам дека публиката ќе го препознае тоа во суперфиналето“, вели Емина.

При констатацијата дека Даниел е главен фаворит, пејачката вели дека цврсто верува во Лукијан и неговиот триумф во првиот регионален „X factor“.



Неодамна во јавноста избувна голем скандал со клетвата на Илма Карахмет, која и ја упати на Емина, а сето тоа бидејќи пејачката и пресудила во натпреварувањето.

„Мислам дека реакцијата на Илма е потврда за тоа што го реков и само ги зацврсти моите убедувања дека донесов правилна одлука. Кога созрее и ќе знае што сака, ќе знае да го исфилтрира и контролира својот бес, стоечки да поднесе пораз, бидејќи животот ќе ја научи дека понекогаш и малиот пораз знае да биде најдобра лекција и спас од најлошото. Не учи да бидеме трпеливи и силни, бидејќи оваа работа е маратон, а не трка на 100 метри“, вели Емина за српски Курир.