Верувале или не, луѓето што се чувствителни на звуци, без разлика дали станува збор за секојдневни шумови, не се хистерични...



Ако ве нервира движењето на сказалките на часовникот или гласни тонови, тоа значи дека сте креативна индивидуа. Кај Чарлс Дарвин, Јохан Волфганг фон Гете и Марсел Пруст е заедничко тоа што се премногу чувствителни на звуци и им била потребна самотија. Пруст ретко го напуштал Париз, а повлечениот писател си ставал чепчиња на ушите, ги повлекувал завесите и ја изолирал својата соба за да не му сметаат звуците и светлоста.

Психолозите од Северо-западниот Универзитет откриваат дека на креативните луѓе бучавата им пречи повеќе отколку на луѓето со просечна интелигенција.

Докторката Дарја Забелина објаснува дека овие луѓе имаат премногу информации во главата, па мозокот обработува многу повеќе информации отколку кај останатите. Истражувачите веруваат дека таа чувствителност придонесува за креативноста, бидејќи го проширува опсегот на вниманието. Луѓето што конзумираат повеќе информации од околината, се склони кон создавање на нови и невообичаени врски помеѓу различни информации.

За да го потврдат тоа, истражувачите замолиле 97 кандидати да го пополнат тестот на креативно размислување и да одговорат на прашањата за резултатите на науката и уметноста, а со специјалниот тест им се пуштани различни звуци и мереле колку се филтрираат така преку свеста.

Овие резултати покажале дека креативните луѓе се повеќе чувствителни на звуците од околината. Предноста на сензорната чувствителност е постигнување на повеќе искуства, способност за интеграција на информации, кои се оддалечени и поврзување со различни концепти и идеи.