NASA отврди дека е откриена планета слична на Земјата на конференција за новинари...



Телескопот Kepler е лансиран во март 2009 година, а досега се откриени над 1000 планети во вселената.

„Денес има илјадници откритија и астрономите се на прагот да откријат нешто за што луѓето сонуваат илјадници години - друга Земја“, изјавила NASA на конференцијата.

„Откритието е поентата на она што го правиме ние во NASA. Дали сме сами во вселената? Денес ќе направиме мал чекор во одговор на прашањето. Задачата на телескопот Kepler е да открие дали планетата може да се насели во зоната кадешто постои вода“, рекол Џон Грунсфелд.

„Со задоволство ви го откриваме Kepler 452B. Тој е 1,5 пати поголем од Земјата, затоа е веројатно карпест. Освен тоа, тој е на совршена оддалеченост од своето соѕвездие и веројатно може да се населиме таму. Големината на неговата орбита е слична како и онаа на Земјата, а неговиот сончев систем е многу сличен на нашиот. Kepler 452B е стар 6 милијарди години и прима 10% повеќе енергија од своите ѕвезди, отколку Земјата од Сонцето“, изјавил Џон Џенкинс.

Новата планета се наоѓа на оддалеченост од 1400 светлосни години од нас. Има ли докази дека постои живот на таа планета?

„Не. Не постојат. Работата на Kepler е создавање на слика од планетата, тој не може толку темелно да ја прегледува планетата. За тоа се потребни напредна технологија и инструмени кои веројатно ќе мора да бидат во орбитата. Kepler ни открива дали постојат други светови, а ние потоа можеме да бараме биолошки траги и знаци за живот со други ресурси“, додава Џенкинс.