Најмалку 5 лица се загинати, а 23 полицајци се повредени во повторни судири меѓу полицијата и демонстрантите во центарот на Киев и покрај примирјето што се прогласи синоќа помеѓу украинскиот претседател Виктор Јанукович и лидерите на опозицијата...



Демонстрантите фрлаат молотови коктели и петарди, а наводно се слушнало и огнено оружје, додека полицијата употребила водени топови, објавува BBC.

„Постојат докази дека е користен отровен агенс користи против полицијата. Преземени се мерки за да се дознае која супстанција е во прашање“, потврдува портпаролот на украинското Министерство за внатрешни работи, Сергеј Бурлаков.



Полицијата одговорила со шок бомби и гумени куршуми, а во меѓувреме некој пукал со снајпер од прозорците на зградата на синдикатите, кои се свртени кон плоштадот на независноста во центарот на Киев. Демонстрантите во Киев се пробиле до зградата на парламентот, а полициските сили се повлекле во Маринскиот парк.



Градската администрација на Киев соопштува дека училиштата и градинките не работат, Министерството за образование, наука, млади и спорт, „ја донело таа одлука поради безбедносни причини".