Во последното интервју зборувала за враќање на филмското платно, семејството, проблемите... А пред 4 дена ја испеа последната песна, посветена на Исус...

Музичката дива која со својот глас го освои светот и била пред сите темнокожи пејачи на музичката сцена, во последното интервју зборувала за враќање на големото платно, одгледувањето на ќерката, подемите и падовите...

"Светот загуби уште една музича дива - изненадно", коментарите што вчера ги пренесуваа сите светски медиуми. Подеднакво добро пеела и соул и поп и RnB, соборувала рекорди, глумела... Покрај успешната кариера, Витни со години имала проблем со дрогата, поради што речиси една деценија била отсутна од музичката сцена.

Интервјуа ретко даваше, бидејќи сметаше дека без вистинска причина нема потреба да се појавува било каде. Кон крајот на минатата година почнала да го снима филмот "Sparkle" кој критичарите го споредиле со нејзиниот хит "Телохранител".

Во филмот, со Витни игра и Џордин Спаркс, млада американска пејачка која во филмот игра нејзина ќерка.

"Како и мојата ќерка и Џордин се обидов да ја подготвам за тоа дека во животот треба подеднакво да го поднесам големиот успех, но и вртоглавиот пад", рекла Витни во последното интервју кое го дала за "Access Hollywood"во ноември минатата година.

Во интервјуто зборувала и за не толку успешното враќање на музичката сцена со албумот "I Look to You", и за луѓето кои биле со неа и кога имала најголеми проблеми.

Погледнете што уште рече:

Витни отсекогаш истакнуваше дека е религиозна и често во екот на славата одела во црква каде пеела во хорот, а религиозните песни ги изведувала и на концертите. Нејзината последна таква песна е "Yes Jesus Loves Me" која е нејзината последна јавно изведена песна од 9-ти февруари.