Медиумите се повеќе шпекулираат што ќе се случи после нејзината евентуална смрт. Во тој случај ќе се активира „тајниот план“, кој трае 9 дена, т.е. до денот кога ќе биде погребана и кога во цела земја ќе владее молк. Шифрираниот таен план се вика „Лондонски мост“, кој ќе се активира после смртта на кралицата на Велика Британија.
Медиумите, полицијата, војската и десетте владини канцеларии се веќе подготвени за говорот и приказните што ќе ги објават пред јавноста, а ќе бидат изложени и нејзините кучиња. На денот на смртта, BBC ќе активира радио преносен систем за предупредување, кој се користел за време на ладната војна, а британските радио-станици се опремени со сини OBIT светла, со кои ќе биде сигнализирана смртта на кралицата. После ова сите радио станици прекинуваат со емитување на музиката и програмата ја прилагодуваат според трагедијата.
Четири дена после смртта, телото на кралицата ќе биде префрлено во Вестминстер Хол, каде ќе остане четири дена за да може ожалостените да и оддадат чест во текот на цел ден. На денот на погребувањето на кралицата во Британија ќе биде тивко, во 9 часот Биг Бен ќе отчука само еднаш. Во 11 часот, кога ковчегот ќе биде спуштен, се планира да замолчат луѓето во Обединетото Кралство, најавите на железничките станици ќе бидат исклучени и возачите на автобусите ќе се повлечат од улиците.
