Синоќа во Стејплс Центар во Лос Анџелес се одржа доделувањето на Греми наградите по 53 пат, од нивното прво прикажување во 1958 година...

Беа доделувани награди во многу категории, како и секоја година, но оваа година друга „дама“ владееше со сцената.

Лејди Антебелум беа најсреќните синоќа, освојувајќи дури 5 награди, вклучувајќи ги Албум на годината, Песна на годината и Снимка на годината.

Дејвид Фрост исто така добро помина, со освоени 4 награди.
Џеј-Зи освои три награди, и тоа за Најдобра соработка за песна, Најдобро рап изведување од група или дуо и Најдобра рап песна.

Лејди Гага не може да се пофали со добар „улов“ годинава, кога ќе ја споредиме со останатите, меѓутоа и самата однесе три награди дома, и тоа за Најдобар поп вокал албум, Најдобра женска поп вокал изведба и Најдобра кратка верзија на музичко видео.

Џеф Бек и Џон Леген исто така освоија по три Grammy награди.

Еминем освои две награди, и тоа Најдобар рап албум и Најдобра соло рап изведба.

Алиша Кис ги однесе наградите за Најдобра соработка за песна и Најдобра рап песна (заедно со Џеј-Зи за Empire State of Mind).

Ашер, Блек Кис, Херби Хенкок, Рутс и Ти-Бон Брунет сите однесоа по две Grammy награди.

Кети Пери, за жал, не освои никаква награда, а Ријана утешно си отиде дома со една награда, Најдобра денс песна за Only Girl (In The World).