Според таблоидот од Русија, Tvoi Dien Гус Хидинк ја одбил понудата на Јувентус да го превзеде кормилото на првиот тим на Бјанконерите

Околу името на селекторот на Русија има голем број на шпекулации откако селекцијата на Русија не обезбеди учество на Светското Првенство во Јужна Африка.

Холанѓанецот најчесто беше поврзуван со преселба во Јувентус откако Чиро Ферара не ги донесе посакуваните резултати во Торино.

Последните информации поврзани со иднината на Хидин говорат дека стратегот ја обил понудата на Јувентус за преселба во Торино.

Според Рускиот таблоид Tvoi Dien причината за ваквата одлука на Хидинк е неможноста стратегот да ја договори својата плата со гигантот од серија А.

Таблоидот повикувајќи се на свој близок извор до Хидинк вели дека Холанѓанецот ни бил воопшто задоволен од платата од 3,5 милиони евра што му била понудена од Бјанконерите.

Во меѓувреме медиумите од Русија пренесуваат дека Гус Хидинк ќе се сретне со новиот претседател на Руската Фудбалска Унија на 7 февруари во Варшава каде што ќе биде извлекувањето за квалификациските групи за Европското Првенство во 2012.

Хидинк во неколку наврати најави дека ќе донесе одлука за својата иднина само откако ќе разговара со новиот претседател на РФУ.

Стратегот има договор со РФУ до август месец но со оглед на тоа што Русија не обезбеди пласман на Светското Првенство во Јужна Африка, Хидинк може да го раскине договорот во било кое време.

Powered by: 24 FUDBAL.com.mk