Англија | По одличниот старт на Саутемптон во новата сезона, Роналд Куман и Грациано Пеле ги добија наградите за Најдобар Менаџер односно Најдобар Играч во месецот...
Минатиот месец ’Светците’ одиграа три натпревари во Премиерлигата и забележаа исто толку победи.
Саутемптон најпрво славеше со убедливи 4-0 против Њукасл, а потоа следеа триумфи од 1-0 над Свонси и 2-1 над КПР.
Оваа серија на добри резултати го донесе клубот од Сент Мери Стадионот на второто место на табелата, па Роналд Куман ја доби наградата за Најдобар Менаџер во септември.
Грациано Пеле имаше голем придонес на овие натпревари, успеа да постигне три погодоци па ја доби наградата за Најдобар Играч во месецот.
Извор: 24FUDBAL.com.mk
