Евро 2016 | Селекторот на Шпанија, Висенте Дел Боске вели дека планира да се повлече од кормилото на ’Црвената Фурија’ по Европското Првенство во Франција...



63 годишниот стратег, кој е обврзан кон актуелниот европски шампион до 2016, во разговор со AS вели дека има намера во целост да го одработи договорот и да се повлече од селекторското столче по ЕВРО 2016.
 
„Мојата намера е да продолжам до ЕВРО 2016” – вели Висенте Дел Боске. „Не очекувам да си поднесам оставка пред Европското Првенство”.
 
Запрашан дали останува на ставот дека заминува по првенството во Франција, тој одговори: „Во животот не можете да бидете сигурни во ништо”.
 
„Но да, такви се моите планови, да проодлжам до ЕВРО 2016 и потоа да заминам”.
 
„Федерацијата ќе се подготви за глатка транзиција. Секако, ќе останам близок до фудбалот и федерацијата”.

Извор: 24FUDBAL.com.mk