МЕНИ

Англија | ФА ја намали суспензијата на Немања Матиќ од три на два натпревари, но ’Сините’ се фрустрирани и разочарани и од ваквата пресуда...

Репрезентативецот на Србија доби црвен картон на дуелот со Барнли, откако го турна на земја противничкиот играч Ешли Барнс.

Челзи веднаш достави жалба и застана зад Немања Матиќ, ’Сините’ посочија дека нивниот играч реагирал бурно само поради тоа што Ешли Барнс стартувал премногу опасно.

Независна Регулаторна Комисија при ФА вчера го разгледа целиот случај и реши делумно да ја прифати жалбата на Челзи.

Наместо редовната казна од три натпревари суспензија за недолично однесување, Немања Матиќ ќе паузира две средби.

’Сините’ веднаш изразија негодување, истакнаа дека се фрустрирани и разочарани од ваквата пресуда, и одново застанаа во одбрана на ставот дека Немања Матиќ не заслужува суспензија бидејќи само реагирал на старт кој можел да му ја заврши кариерата.

Фудбалерот од средниот ред веднаш ќе започне да ја одработува казната и ќе ја пропушти средбата со Тотенхем во финалето од Лига Купот, како и дуелот со Вест Хем во Премиерлигата.