Англија | Агентот на Филипе Кутињо вели дека Бразилецот е среќен на Енфилд, и демантира дека бил остварен контакт со Реал Мадрид...

Репрезентативецот на ’Кариоките’ и оваа сезона игра во добра форма, па неговите перформанси го привлекоа вниманието на неколку големи клубови.
 
Филипи Кутињо е трансфер желба на Барселона и Реал Мадрид, а во последно време се говори дека и Манчестер сити го сака 23 годишниот плејмејкер.
 
Сепак, агентот на играчот вели дека Бразилецот е среќен на Енфилд.
 
„Филипе е екстремно среќен во Ливерпул” – вели Киа Јорабчијан. „Стави потпис на нов долгогодишен договор кон финишот на минатата сезона, и со тоа покажа какви се неговите амбиции и чувства за Ливерпул”.
 
Медиумите од Шпанија пренесуваат дека Реал Мадрид веќе започнал преговори, но Јорабчијан ги демантира ваквите стории.
 
„Нема вистина во написите кои велеа дека јас веќе сум разговарал со Реал Мадрид”.
 
„Кутињо цели кон обезбедување настап во Лигата на Шампионите со Ливерпул и освојување трофеј”.
 
„Тој се фокусира само на тоа, и на ништо друго”.

Извор: 24FUDBAL.com.mk