МЕНИ

Италија | Фудбалскиот тим од истоимениот грда го освои потребниот бод против Модена и за прв пат во својата историја избори пласман во најквалитетната италијанска лига...

Градот Кротоне е на нозе! Фудбалскио тим од овој град кој брои нешто повеќе од 60 илјади жители конечно избори пласман во Серија А. Во својата 106-годишна историја Кротоне најчесто бил третолигаш, категорија во која минал дури 31 сезона. Но, оваа натпреварувачка 2015/16 во Серија Б ќе ја памети засекогаш бидејќи на три кола до крајот популарните „питагоричи“ обезбедија пласман во Серија А.

Во петокот вечер на Кротоне сè што му требаше беше само еден единствен бод на гостувањето кај Модена за и математички да си го завери пласманот во Серија А. Нешто што и тоа како го заслужи бидејќи скоро цела сезона беше на врвот, менувајќи си го првото и второто место со Каљари.

Уште во 17. минута Давиде Лупи ја доведе Модена во водство, најавувајќи значајна победа во борбата за опстанокот. Сепак, златниот гол за Кротоне дојде во 44. минута кога Рафаеле Паладино успешно реализираше пенал. Интересно, Паладино последен пат играше во Серија Б за Јувентус во сезоната 2006/07.

Плоштадот Питагора во овој калабриски град беше претесен да ги прими сите оние кои сакаа да го следат на видеобим натпреварот со Модена кој се покажа како историски. Ноќта е долга во Кротоне, се слави низ градските улици.