ЕУРО 2016 | Роберт Левандовски е разочаран што Полска без да загуби натпревар се збогува од Европското првенство...



Португалија вчера беше поуспешна во пенал рулетот против Полска, па избраниците на Фернандо Сантош се пласираа во полуфинале, а Полјаците ќе мора да си ги пакуваат куферите и да заминат дома.

Полска на ЕУРО 2016 не загуби натпревар во регуларен дел, а Португалија сè уште се нема израдувано на победа по 90 минути, па токму ова го боли најмногу Роберт Левандовски.

„Ова е парадокс” – вели напаѓачот. „Боли бидејќи сме елиминирани без да загубиме и тоа од репрезентацијата која нема победа”.

Левандовски исто така одбива да го обвини Јакуб Блашчиковски како главен виновник за елиминацијата, откако популарниот „Куба“ беше тој кој го промаши пеналот.

„Изгубивме како тим, а не поради тоа што еден играч промашил пенал. Пеналите секогаш се лотарија”.

Извор: 24FUDBAL.com.mk