Англија | Арсен Венгер и Јирген Клоп го критикуваа скапиот трансфер на Пол Погба, Мурињо вели дека Арсенал и Ливерпул не се големи клубови, не можат да рушат рекорди, па затоа нивните менаџери зборуваат...



Португалецот на свој начин им врати на Венгер и Клоп, без да посочува имиња на тренери или на клубови, Мурињо го кажа своето мислење, а јасно е на кој се однесува тоа. Тој сака да каже дека Ливерпул и Арсенал не се доволно големи клубови за да можат да го купат Погба, па затоа критикуваат.

„Разбирам дека понекогаш во фудбалот се случуваат вакви работи и клубот руши рекорди, но вакви работи се возможни само во клубови како Манчестер јунајтед“ - вели Мурињо.

„Кога слушнав коментари на некои менаџери како го критикуваат овој трансфер, не мислам дека тие некогаш имале ваков проблем, бидејќи за да имаш ваков проблем треба да си еден од најголемите клубови во светот. Па во Манчестер јунајтед може да се случуваат вакви работи, кај нив не“.

Извор: 24FUDBAL.com.mk