Италија | Медиумите од Италија пренесуваат дека „Бјанконерите“ во последниот ден од преодниот рок треба да донесат две засилувања...



„Старата Дама“ конечно ја исполни желбата на Масимо Алегри, кој побара да биде ангажиран Аксел Витсел како замена за Пол Погба.

Јувентус и Зенит вчера си подале рака за зделка вредна 18 милиони евра, плус 3 додатни милиони евра во бонуси.

Белгијанецот денеска треба да пристигне во Торино на лекарски прегледи и комплетирање на трансферот.

Медиумите од Италија исто така пишуваат дека во Торино ќе се врати Хуан Квадрадо, кој минатата сезона го носеше дресот на Јувентус како позајмен од Челси.

Репрезентативецот на Колумбија одново ќе пристигне на позајмица, но „Старта Дама“ ќе биде обврзана во целост да го откупи играчот откако тој ќе настапи на одреден број натпревари.

Извор: 24FUDBAL.com.mk