Англија | Во летото кое помина се рушеа рекорди на трансфер пазарот, а уште сега стигнуваат најавите дека и следните преодни рокови ќе бидат супер атрактивни...



Англиските медиуми пишуваат дека Манчестер јунајтед ќе испрати понуда од неверојатни 155 милиони фунти за Пауло Дибала кој блеска на стартот од сезоната во Серија А.

Извршниот директор на Манчестер јунајтед, Ед Вудворд имал средба со претставниците на фудбалерот и им рекол дека ако Дибала сака да си замине од Јувентус, Жозе Мурињо е заинтересиран да го види во својот тим.

Манчестер јунајтед и Јувентус имаат одлични бизнис релации откако англискиот клуб плати рекордна сума за да го донесе Погба на Олд Трафорд.

Но сметките на Манчестер јунајтед може да ги помати Барселона која исто така го сака Дибала. Дали интересот на Каталонците ќе биде мал или голем ќе зависи и од перформансите на Дембеле.

Адуд во трката на Барселона ќе биде сонародникот на Дибала, Лионел Меси. Доколку фудбалерот на Јуве сака да игра покрај Меси и на клупско ниво, Манчестер јунајтед ќе има проблем да го убеди да се пресели на Олд Трафорд.

Извор: 24FUDBAL.com.mk