Македонија | Македонскиот напаѓач, Илија Несторовски се уште не знае каде ќе ја продолжи кариерата, но вели дека од неговото заминување сака Палермо добро да заработи.

Неколку клубови се интересираат за Илија Несторовски, еден од нив е Црвена звезда. Напаѓачот не преферира никој, вели дека најважно му е Палермо да добие добра понуда.

„Не сум човек кој сака лесно да се предаде и да си оди бесплатно. Сакам Палермо да добие добра понуда. Не гледам сопствен интерес, сакам да му помогнам на клубот“, вели Несторовски.

Од Палермо потврдуваат дека има интерес за Несторовски, но и тие немаат намера да го дадат лесно.

„Нема да го дадеме лесно. За Несторовски постои интерес од Црвена звезда, но и други европски клубови ја следат ситуацијата“, изјави директорот на Палермо, Фабрицио Лучези.

Извор: 24FUDBAL.com.mk