Италија | Медиумите во Италија изминатиов период пишуваа дека извршниот директор на Интер, Џузепе Марота „сонува“ за трампа со Јувентус која би ги вклучила Икарди од едната, односно Дибала од другата страна, сепак, извесно е дека до тоа нема да дојде.

Според информациите кои денес ги објави „Кориере дело Спорт“, се вели дека конечно е решена дилемата околу иднината на Пауло Дибала во редовите на Јувентус, и тоа под водство на новиот шеф на стручниот штаб на таа екипа, Маурицио Сари.

Известувањата кои пристигнуваат велат дека Дибала веќе го дал конечниот одговор околу интересот од Интер, и неговиот одговор бил негативен, откако се појавија шпекулации дека неизвесна е неговата иднина во Старата дама под кормилото на Сари.

Дибала веќе имал средба во четири очи со Сари, наводно се почувствувал целосно инволвиран во новиот проект на италијанскиот првак по разговорот со него, а откако ги слушнал идеите и плановите на новиот тренер јасно посочил дека ќе остане во Торино.

Извор: 24FUDBAL.com.mk