Шпанија | Повеќе нема дилеми, Англичанецот ги засилува редовите на Атлетико Мадрид, конечно му се оствари големата желба на Диего Симеоне кој во Трипие гледа идеален наследник на Хуанфран.

Официјално, Кјеран Трипие е нов член на Атлетико Мадрид откако 28 годишниот бек успешно ги мина лекарските прегледи утрово, а од шпанскиот прволигаш потврдија дека постигнале договор со Тотнем, се шпекулира дека сумата на овој трансфер изнесува околу 20 милиони фунти.

„Договор со Тотнем околу трансферот на Трипие, Англичанецот потпиша тригодишен договор, добредојде во семејството на Атлетико!“ напиша Атлетико Мадрид на социјалните мрежи.


Трипие четири години беше член на Тотнем, тој ќе биде првиот англиски фудбалер кој ќе настапува во редовите на „Јорганџиите“ во 95 години, веднаш ќе се приклучи на претсезонските подготовки на тимот во Лос Анџелес.

Извор: 24FUDBAL.com.mk