Македонија  | Бледо издание на македонскиот претставник во квалификациите за Лига Европа, „Лавовите“ со вкупно шест примени и еден постигнат гол елиминирани уште во првото коло од тоа натпреварување.

Македонија Ѓорче Петров најпрво загуби со 3-1 на гостувањето во Ерменија, за на реваншот во Скопје на тренинг центарот „Петар Милошевски“ да загуби со убедливи 0-3 од Алашкерт, кој веројатно беше „голем залак“ за финалистот од Купот во нашето првенство за минатата сезона.

Алшкерт уште во првото полувреме навести дека нашиот претставник нема речиси никакви шанси за прогрес откако Ненадовиќ во 21. минута донесе предност за гостите кои со тој резултат заминаа на паузата.

Во второто полувреме Ерменците само ја дополнија гол-разликата, па така Галвао во 68. минута зголеми на 0-2, за шест минути подоцна Восканијан да ги постави конечните 0-3 од овој натпревар.

Во 19 часот Академија Пандев гостува кај Зрињски а на домашен терен претходно Струмичани забележаа убедлив пораз од 0-3, час и половина подоцна пак Шкупи на домашен терен го пречекува ерменски Пјуник, токму Чаирчани имаат најдобра прилика за прогрес откако на гости ремизираа со 3-3.

Извор: 24FUDBAL.com.mk