Шпанија | Зенит е многу блиску до ангажман на Малком од Барселона, клубот од Русија нуди 41 милион евра додека пак „каталонците“ бараат 45 милиони евра за Бразилецот.

Малком минатото лето беше на чекор на Рома, и кога сите очекуваа тој да се качи во авион и да летне за Рим, доби понуда од Барселона и ја промени дестинацијата.

Бразилецот сепак не се изнаигра на Камп Ноу и по само 12 месеци се говори за негово заминување. Напаѓачот се поврзуваше со неколку клубови, а најконкретен во обидите се чини дека е Зенит.

Клубот од Русија доставил понуда од 41 милион евра, колку што Барса му плати на Бордо за Малком. Сепак, „каталонците“ сакаат да направат профит и бараат 45 милиони евра.

Според пишувањата на „Радио Монте Карло“, спортскиот директор на Зенит е во Барселона и се очекува во следните 48 часа двата клуба да ги испеглаат разликите.

Извор: 24FUDBAL.com.mk